歡迎大家光臨菠蘿雞的家"你甘聯工作室"。
由我地 菠蘿雞 及 可愛蕃薯媽 聯合搞作:
一 月 份 羊 毛 拮 拮 體 驗 班 (初 班)
現在正式招生!!!

縫寶寶KINKI

無錯丫~11月的確過得好快~~~
而且仲好開心tim~~~菠蘿雞有自己的家了~ya~~~
12月黎到~我地都忙到抖唔到氣~
為左迎接2個地攤..我地都出多左深水埗入貨
同埋比好多朋友仔識到我地~哈哈哈~~
希望大家唔會見到我地d蝦look樣~XD

12月6日~參加左數碼港純手作露天市集~
當日真係人山人海~~等我post出黎分享下先~~~


天工造美~~晴天~又唔太熱~~

忙忙碌碌FION,

你覺唔覺十一月過得好快呢!? 由睇樓, 租樓, 買傢俬, 裝修, 佈置...籌備整整一個月既"菠蘿雞的家"終於順利入伙啦!!! 當日下午既入伙扒地, 幸得各位叔伯兄弟, 新朋好友光臨, 幫我地新居暖暖場!!!! 真係十萬分感謝~~~:")


當日未有時間上來既朋友仔, 唔知上FACEBOOK睇左相未呢!? 如果未既, 等我放返D精華上來先!!

數碼港純手作市集 (聖誕限定)

本年度最後一個露天手作市集,

30個手作單位與你迎聖誕!

今個冬天, 菠蘿雞將會為大家提供, 限量精美交換禮物包!!! 男女合用, 價錢保證令大家驚喜!!!!
想知道禮物包有D咩, 快D來數碼港地攤啦~~~
仲有4位菠蘿雞朋友有新造型~~各位FANS想一睹風采~記得早D排定隊~XD

日期:6 Dec, 2009
時間:10am - 5pm
地點:數碼港商場平台
入場費: HK$20

P.S. 12月6日(星期日)佐敦"菠蘿雞的家"休息一天, 總動員到地攤集合!!! 敬請留意!!!

鼻塞塞KINKI

辛苦你一口氣upload晒3篇"尋家記趣"...
好開心終於搵到個安樂窩~~
但係搵到的同時~我地又要開始忙裝修和買傢俬!!!!
一開始~我地度下尺寸~構思一下房間的擺位~


我地總共有2房1廳~在雜誌中剪剪貼貼~希望將腦海的景象實體化~~
由於在香港搵唔到合適的傢俬~決定殺上大陸搵心頭好!!!

前言
睇完太子近警處單位之後, 隔天晚上相約FION, 四月開會, 經討論後終於作出決定, 打算落訂...於是晚飯途中即時致電地產姨姨, 可惜大家只得到一句冷淡既回覆:「個單位賣左啦!!」難得三個人都作出一致決定, 忽然間幻滅, 大家都變得有點慌亂, 打算第二日親自找地產姨姨問過究竟(係咪唔想租比我地, 扼我地呢!?個單位真係甘快賣左!?)......

不過, 一夜思量大家冷靜之後, 我地決定放棄太子單位, 而轉向其他手作人所推介既佐敦區出發!!!

05/11/2009 菠蘿雞尋家後記(VII)
時間: 早上十一點
人物: 我(Kinki) + 四月 + 地產哥哥
地點: 佐敦

前言
踏入十一月, 我已經成為全職自由人, 可以隨時出發睇睇睇~~~
經過個多月既尋家之旅, 菠蘿雞的家成員出現左少少改動, 加入左四月小姐。而我地一直尋尋覓覓, 尖沙咀區似乎唔太適合剛起步既菠蘿雞, 因為尖沙咀唐樓, 商廈, 住宅既租金都比較昂貴。經再三考慮之後, 我地決定再一次係太子區逛逛......

02/11/2009 菠蘿雞尋家後記(VI)
時間: 上午十一點
人物: 我(Kinki) + 四月 + 地產姨姨
地點: 太子, 旺角

由花墟作起點四出搜尋!! 四月第一次加入, 對住宅單位唔太感興趣...睇左一個1,000尺唐樓單位, 有四間房, 唐四樓窗口面向花墟道球場。單位地方大, 所以租金高昂, 要$13,000!!!睇完花墟道, 轉向太子警處方向尋找.....