MISS YOU FION,

歡迎你回來快樂香港呀!!嘻~~~好掛住你（同埋手信，如果有的話:"D）。
你唔係到呢幾日, 我又心思思去左四圍睇樓。仲打算將菠蘿雞睇樓後記, 係呢到同大家分享。

前言
由於我已經決定加入全職手作人行列, 所以要幫菠蘿雞找個地方做工作室/店舖。希望可以係十二月之前開始新既菠蘿雞生活～～～:")

甘大個女第一次去睇樓租樓, 真係好新鮮0既體驗!! 一早係網上面搜集各個地區租金資料, 然後再打電話比朋友相熟0既經紀。一問之下先發現, 原來要找個理想0既地方一D都唔容易。對於呎吋, 方向, 街道都唔熟悉0既我來講, 原來一定要親身去睇先可以了解各樓盤0既實際狀況。就係甘, 係好倉卒0既情況之下, 我約左個地產叔叔去佐敦睇樓!!!:"]

30/9/2009 菠蘿雞尋家後記(I)
時間: 放工後八點
人物: 我 + 肥佬 + JONA + 遲到大人 + 地產叔叔
地點: 佐敦永安

第一次睇樓, 人強馬壯, 好緊張呀!!! 遇到個多嘴叔叔(係咪做地產都係甘多野講0既呢!?), 氣氛緩和左唔少。係傍沱大雨之下, 我地一行五人向住第一個目的地, 位於佐敦0既一座小唐樓出發。到達目標單位, 比網上睇相感覺細好多, 300呎左右間格精奇, 必須通過一條好狹窄0既走廊先可以開門(如果肥佬再肥多少少就入唔到去啦~) 。睇左三秒, 大伙兒迅速離開, 出發去下一個目的地。

由大雨到小雨, 由佐敦行到油麻地...第二個目的地係面對油麻地地鐵站0既一棟唐樓。上到唐二樓, 有一點點恐怖感, 因為大門上貼住一張泰國式公仔揮春(唔知係咪寫住"出入平安"呢!?)。當經紀一開門, 入面紫色燈, 綠色牆!!!! 心裡面嚇左一跳, 之後再望真d, 原來係窗外霓虹燈反映入屋。(油麻地區, 顏色招牌真係特別多~~~) 可能天雨關係, 廁所燈又閃閃下, 就算間屋600呎甘大, 價錢合理, 都吸引唔到我...因為所有門窗都要修改, 而且實在有少少可怕!! 經過一輪密密針, 一致決定擇日再睇。經過第一次睇樓經歷, 結論係油麻地區實在唔適合菠蘿雞, 試想下" 波 羅 雞 "個招牌掛左出來, 一定產生誤會................:"p
- 再續 -

另外想大家比D意見:
如果將來菠蘿雞工作室會舉辦 室內小型地攤 或 個人繪畫, 相片展覽。
大家會希望係 A.)尖沙咀 定 B.)太子旺角 區!?
請選擇A /B!!!
http://www.facebook.com/topic.php?uid=37810235949&topic=10432

P.S.為已投票/提供意見的人說聲謝謝!!!:*)
快樂倒數十日KINKI