星妹FION,
我都好想外遊呀!!!!!!!!你既星加坡之旅好似好開心甘, 我地幾時搞一次台灣手作旅行呢!? 我要買布, 買印仔, 買LACE, 買買買~~~買晒D$!!:") 最近因為辭左工, 係公司有多D時間用. 可以寫返我地既尋家後記, 依家即刻送上第二篇!!!
前言
同樣係放工時間去睇樓, 跟據上次經驗, 決定放棄油麻地區, 轉攻旺角太子區。當日天氣好好, 以為一切係美好開始, 點知由旺角行到太子, 十間有八間地產公司都已經關門!!! 係我地好失望, 以為白行一趟之際......有一間地產公司依然燈火通明!!!
時間: 放工後八點
人物: 我 + FION + 阿Y + 地產叔叔
地點: 旺角太子
FION第一次參與睇樓, 為菠蘿雞帶來一點點幸運!!
一行三人膽粗粗撞入呢間地產公司, 地產叔叔按我地既要求, 竟然找有一間位於太子花園街街頭唐一樓連露台既單位。一齊出發去睇睇, 令人驚喜既係不單有光猛整潔既樓梯, 仲有樓下鐵閘對講機。面積350'左右, 一房一廳有一個小露台, 面對花園街近旺角方向, 感覺良好。可以認真考慮一下!!
從門口到露台, 我最喜歡既係白雪雪既牆同乾淨樓梯!!
之後再跟地產叔叔去旺角另一間曲尺單邊既唐樓單位, 唐五樓600'。去到大廈樓下, 見到二樓寫住"純粹租房"四個大字...仲印左個"❤"係招牌上面!!(一定講大話呀!!) 上到五樓, 全層烏燈黑火, 地產叔叔花左十五分鐘去試門匙, 終於入到去目標單位。600'真係大好多, 二房一廳空間好大, 其中一間房面對住左面大廈既"鐵館", 有好多大隻佬睇呀!!! 嘻嘻...可惜我地菠蘿雞唔可以同"純粹租房"招牌做朋友, 如果唔係日日都有筋肉SHOW睇啦!!
剛剛睇完呢兩個單位, 又收到另一個地產經紀既電話, 下一站向尖沙咀出發啦!!!:")
- 再續 -
好想飛KINKI
