十月八日睇完樓, 事隔一日, 又有地產主動打電話來相約睇樓, 目的地係心移已久既尖沙咀區!! 向公司告假一天睇醫生, 再往尖沙咀出發!!!:")
9/10/2009 菠蘿雞尋家後記(III)
時間: 晚上六點半
人物: 我(Kinki) + 地產Auntie
地點: 尖沙咀
由於出發前無問清楚地產Auntie詳細資料, 一直跟係她背後, 心情忐忑不安。由麼地道走到棉登徑。棉登徑有數間酒吧食肆, 雖然未到午夜, 但成條街已經酒氣撲鼻。係地產Auntie既帶領之下, 我地去左一座住宅大廈睇兩個單位, 一個大約400' 月租$9,000, 同一層另一個單位大一點, 開放式設計, 約500' 要$10,000一個月。綜合大廈既環境, 單位面積, 價錢都唔合心水, 所以放棄跟呢個地產Auntie睇住宅單位, 決定自己去搜尋一下加連威老道的樓上舖。平時行尖沙咀一定會去加連威老道, 所以我決定睇下附近既地產公司有無超值筍艋推介。從棉登徑行返加拿芬道, 原來途中有不少於五,六間地產公司。隨便走入一間問一問, 比個價錢嚇左一跳!!一間位於加拿芬道唐一樓1000尺左右既樓上舖, 要$30,000租金, 竟然同地舖既價錢差不多, 最近既租金實在升得太犀利啦!!
可能地產哥哥見我面有難色, 再介紹另一個相對便宜既樓上舖。位於加連威老道街中間, 唐二樓600'開放式樓上舖。由於上一手係做時裝生意, 所以裝修雅緻, 而且有特大玻璃, 感覺開揚。不過租金仍然要$13, 800......菠蘿雞暫時未可以負擔得到, 而且我發現加連威老道樓上舖既大廈入口實在太小, 比較難找, 我地兩個人都分別去錯大廈......:"P
呢個價值$13,800既樓上舖地點好好, 但係都要行幾層樓梯!!
肥佬: 大家其實多唔多上樓上舖買野呢!?
由於合乎菠蘿雞預算既樓上舖, 係尖沙咀區可以話係可遇不可求。之後地產哥哥握介我睇埋利時樓上的商業單位。有一間打通左兩室既商業單位約400', 月租$8000。其實地方夠用, 不過本身唔喜歡商廈, 最後決定再找其他地方。因為睇完樓已經係晚上十時.....大家都未食晚飯, 仲要地產哥哥OT, 真係辛苦晒!!!:*)
利時樓上既辦公室單位, 好多人租來做寫字樓架!! 不過同"菠蘿雞的家"既感覺差好遠, 所以要繼續努力去找呀!!!!:*/
- 再續 -
